"Ekologiýa howpsuzlygy" boýunça okuw kurslary
| № | Okuwyň görnüşi | Sagat sany | Okuwyň möhleti |
| 1. | Nebit-gaz toplumynda hyzmat etmekde ekologiýa howpsuzlygy | 66 | 5 hepde |
| 2. | Geologiýanyň ekologiki howpsuzlygy | 66 | 5 hepde |
| 3. | Nebit we nebit önümleriň önümçiliginde hyzmat etmekde ekologiýa howpsuzlygy | 72 | 6 hepde |
| 4. | Ekologiýa taýdan arassa himiki elementler üçin materiallaryň, tehnologiýalaryň we enjamlaryň ekologiýa howpsuzlygy | 62 | 5 hepde |
| 5. | Nebit dökülmegine garşy göreş çäreleri we ekologiýa howpsuzlygy | 60 | 5 hepde |
| 6. | Suwuklandyrylan nebiti, gazlary ulanylýan desgalaryň işleýşinde ekologiýa howpsuzlygy | 72 | 6 hepde |
| 7. | Howply galyndylary dolandyrmakda ekologiýa howpsuzlygy | 64 | 5 hepde |
| 8. | Binalaryň we desgalaryň gurluşygynda ekologiýa howpsuzlygy | 68 | 5 hepde |
| 9. | Howply ýükleri daşamakda ekologiýa howpsuzlygy | 64 | 5 hepde |
| 10. | Düzüminde howply maddalary we howply önümleri saklaýan önümleri awtomobil ulagy bilen daşamakda ekologiýa howpsuzlygy | 62 | 5 hepde |
| 11. | Gämi gatnaw ulgamynda ekologiýa howpsuzlygy | 64 | 5 hepde |
| 12. | Howa ýollar arkaly gatnaw ulgamynda ekologiýa howpsuzlygy | 66 | 5 hepde |
| 13. | Demir ýol ýollar arkaly gatnaw ulgamynda ekologiýa howpsuzlygy | 68 | 5 hepde |
| 14. | Radiasiýa gigiýenasy. Radiasiýa çeşmeleri ulanylanda radiasiýa maddalaryň ekologiýa howpsuzlygy | 64 | 5 hepde |
| 15. | Agroekologiýa | 64 | 5 hepde |
| 16. | Fiziki faktorlary ölçemek we daşky gurşawy, radiasiýa gözegçiligini guramak | 60 | 5 hepde |
| 17. | Daşky gurşaw hyzmatlarynyň we gözegçilik ulgamlarynyň ýolbaşçylary we hünärmenleri üçin ekologiýa howpsuzlygy | 60 | 5 hepde |
| 18. | Umumy ykdysady dolandyryş ulgamlarynyň ýolbaşçylary we hünärmenleri üçin ekologiýa howpsuzlygy | 64 | 5 hepde |
| 19. | Daşky gurşaw obýektleriniň kazyýet seljermesi | 72 | 5 hepde |
| 20. | Daşky gurşawy goramakda ekologiýa menejmenti | 60 | 5 hepde |
“Ekologiýa howpsuzlygy” kursynyň maksady diňleýjilerde häzirki zaman ylmy taýdan esaslandyrylan ekologik dünýägaraýyşyny we ekologik medeniýetini, hapalaýjy maddalar barada düşünjelerini we bilimlerini bermek, antropogen işiniň zyňyndylaryny daşky gurşaw tarapyndan gaýtadan işlemek mümkinçilikleri barada bilimleri bermek, seýle hem diňleýjilerde bu zyňyndylary daşky gurşawda howpsuz ýerlemeginiň usullary baradaky düşünjeleri ösdürmek bolup durýar.
“Ekologiýa howpsuzlygy” okuw maksatnamasy diňleýjilerde ýüze çykýan dürli görnüşli meseleleri çözmek üçin alan nazary bilimlerini ulanmak endiklerini kemala getirmek, daşky tebigy gurşawyna täsir etmegiň usullaryny, tärlerini ulanmak, ekologiýa töwekgelçiliginiň derejesini peseltmegiň usullaryny teklip etmek ukybyny ösdürmek ýaly wezipelerini öz içine alýar.
Ugurlary özleşdirmegiň maksatlary diňleýjiniň ekologiki dünýägaraýşyny we daşky gurşawy goramak we tebigy baýlyklary tygşytly peýdalanmak nukdaýnazaryndan hünär işlerine baha bermek ukybyny döretmekden ybaratdyr.
Soňky onýyllyklarda dünýäniň nebit we gaz önümçiliginiň yzygiderli ösmegi, uglewodorodlary özleşdirmek we öndürmek üçin täze tehnologiýalaryň ornaşdyrylmagy, tebigy we ýerasty baýlyklary senagatyň zerurlyklary üçin ulanylmagy we adam işjeňliginiň daşky gurşawa ýaramaz täsiri bilen baglanyşykly daşky gurşawy antropogen täsirden goramak meselesi ýiti boldy. Tebigaty goramak baradaky meseleleriň üstünlikli çözülmegi diňe inžener işgärleriniň ýokary derejeli ekologiýa bilimleriniň we medeniýeti bilen mümkindir. Şonuň üçin önümçilik işleri bilen baglanyşykly bar bolan we täzeden döreýän daşky gurşaw meseleleri, bar bolan önümçilik netijeliligi baradaky pikiri täzeden gözden geçirmäge we baha bermäge, daşky gurşawyň howpsuzlygyny barlamagy we iň esasysy her bir adamda täze ekologiýa pikiriniň döremegini talap edýär. Adamzadyň wezipesi biosferany, atmosferany, ýeriň jümmüşini we ahyrky netijede nebit-gaz önümçilik toplumynyň weýran ediji täsirinden halas etmek üçin işjeň tagalla etmekdir.
Islendik döwletiň ekologiýa syýasatynyň iň möhüm bölegi, dürli derejedäki we dürli pudaklarda ekologiýa meselelerini çözmäge ukyply hünärmenleri taýýarlamakdyr.
“Sanly tehnologiýalar we dolandyryş” boýunça okuw kurslary
| № | Okuwyň görnüşi | Sagat sany | Okuwyň möhleti |
| 1. | Kompýuter sowatlylygy I | 34 | 4 hepde |
| 2. | Kompýuter sowatlylygy II | 56 | 7 hepde |
| 3. | Animasiýa we Flash | 40 | 5 hepde |
| 4. | Web programmirlemek | 62 | 8 hepde |
| 5. | AutoCad | 60 | 8 hepde |
| 6. | Photoshop, CorelDraw we Adobe InDesign | 86 | 12 hepde |
| 7. | Ulgamlaýyn programmirleme | 120 | 15 hepde |
| 8. | 3D Max | 40 | 5 hepde |
| 9. | Kompas-3D V16 | 72 | 9 hepde |
| 10. | Blokçeýn tehnologiýasy we kriptowalýuta | 44 | 5 hepde |
| 11. | Sanly ykdysadyýet | 32 | 4 hepde |
| 12. | Revit Structure | 66 | 8 hepde |
“Kompýuter sowatlylygy I”, “Kompýuter sowatlylygy II” – kursumyz kompýuter ulanmagy öwrenmek isleýän ýa-da kompýuter başarnyklaryny kämilleşdirmek isleýän diňleýjiler üçin niýetlenendir. Bu kursda Windows, Microsoft Word, Microsoft Excel, Microsoft Powerpoint we Internet programmalaryny öwrenip, kompýuter dünýäsine degişli tehnologiýalary we programmalary has ynamly hem-de erkin ulanmagy başararsyňyz. Şeýle-de, Microsoft WORD programmasy arkaly dürli resminamalary, hatlary taýýarlamagy, Microsoft Excel programmasynyň kömegi bilen hasabatlary taýýarlamagy we formulalar arkaly hasaplamalary amala aşyrmagy, Microsoft PowerPoint programmasy arkaly tanyşdyryşlary taýýarlamagy, Internet programmalary arkaly elektron poçta döretmegi, elektron hat ibermegi we kabul etmegi, internet dünýäsiniň inçe tilsimlerinden peýdalanmagy öwredilýär.
“Web Programmirleme” kursyny tamamlan diňleýjiler web ulgamynda ulanylýan programmirleme usullaryny, maglumat ammaryny emele getirmek, maglumatlary ýygnamak we işläp taýýarlamak ýaly möhüm tilsimleri öwrenerler. Mundan daşary hem diňleýjiler döwrebap web tehnologiýalar bilen tanyşdyrylar we bu tehnologiýalaryň degişli ulanyş ýerleri barada dolylygyna öwredilýär.
“Animasiýa we Flash” kursyny tamamlan diňleýjiler animasiýanyň tilsimleri bilen ýakyndan tanşyp, zerur bolan esbaplary ulanmak, ol esbaplar kömegi bilen täsin, funksional we estetiki taýdan görnükli şekilleri taýýarlamak ýaly işleriň ýerine ýetirilişini içgin öwredilýär.
“AutoCAD” kursyny tamamlan diňleýjiler 2 ölçegli (2D) we 3 ölçegli (3D) çyzgylary, dürli proýeksiýalary, ölçegleriň degişli görnüşinde amala aşyrlar.
“Adobe Photoshop, CorelDraw, Adobe InDesign” kursyny tamamlan diňleýjiler Adobe Photoshop programmasynyň kömegi bilen suratlaryň üstünde işläp bilerler, CorelDraw programmasynyň kömegi bilen mahabatlandyrma işlerini taýýarlap bilerler.
“Ulgamlaýyn programmirlemek” kursyny tamamlan diňleýjiler programmirleme dilleri we programma düzme tilsimleriniň içgin syrlary bilen tanyşdyrylar. Programmirleme dilleriň aýratynlyklary, taslama düzmegiň ädimleri, programmanyň dogrulygyny barlamagyň usullary (testirleme) ýaly goşmaça möhüm maglumatlary öwrenerler. Mundan başga-da, diňleýji algoritmler dünýäsinden birnäçe belli algoritmler bilen tanyşar, algoritm düzmegiň we seljermegiň ýollaryny öwrener.
“3D Max”, “Kompas-3D V16” kursyny tamamlan diňleýjiler 3 ölçegli (3D) modelleri taýýarlap bilerler.
Blokçeýn tehnologiýasy we kriptowalýuta.
Blokçeýn iň täzeçil tehnologiýa bolup, kriptowalýutalaryň meşhurlygy bilen birlikde oňa bolan gyzyklanma artdy. Häzirki wagtda ol maliýe dünýäsinden daşary hem giňden ara alnyp maslahatlaşylýar. Blokçeýni eýýäm şahsy maglumatlary saklamakda we gaýtadan işlemekde, marketingde we kompýuter oýunlarynda ulanýarlar.
Blokçeýn terjime edilende - bloklaryň üznüksiz zynjyry diýen many aňladýar. Onda geleşikleriň ähli ýazgylary bar. Adaty maglumat bazalaryndan tapawutlylykda bu ýazgylary üýtgedip ýa-da pozup bolmaýar, olaryň diňe täzelerini goşup bolýar.
Sanly ykdysadyýet.
Bu okuw kursy sanly ykdysadyýetiň şertlerinde bir döwletiň, sebitiň, senagatyň we kompaniýanyň bäsdeşlige ukyplylygyna täsir edýän faktorlaryň derňewine bagyşlanýar. Kursuň dowamynda diňleýjiler bäsdeşlik ukybynyň, sanly ykdysadyýetiň, innowasiýa ösüşiniň, maglumat tehnologiýasynyň görkezijileri bilen tanyşýarlar. Önümçilik proseslerini sanlylaşdyrmaga esaslanýan we sanly hyzmatlary hödürleýän pudaklar aýry toplum hökmünde seredilýär.
Kurslaryň maksady: sanly tehnologiýalaryň ykdysady serişdelere täsiri barada bilim almak we sanly üýtgeşmeler ýagdaýlaryny çözmek üçin maglumatlary ýygnamak we seljermek endiklerini ýokarlandyrmak.
Revit Structure.
Revit Structure - BIM-taslamak bazarynda iň meşhur programma üpjünçiligidir. Revit Structure programma üpjünçiligi binagärlik elementlerini, inženerçilik ulgamlaryny we gurluşyk desgalaryny taslamak, şeýle hem gurluşygy meýilnamalaşdyrmak üçin döredilen ýöriteleşdirilen çözgütdir. Onuň binýadynda BIM binalary maglumat modelirlemek tehnologiýasyna esaslanýar.
Okuw kurslaryň diňleýjileri dürli profilli hünärmenler tarapyndan gurluşyk taslamalaryny döretmek üçin Revit Structure programmany ulanmagyň mümkinçilikleri bilen tanyşdyrýar.
Revit Structure boýunça hünär ýokarladyryş okuwlary başarnyklaryny ýokarlandyrmak we taslamalaryň maglumat modellerini döretmekde täze derejä ýetmek isleýän konstruktorçylar, binagärler, taslamaçylar we inženerler üçin döredildi.
Bu okuw Revit Structure platformasynyň demirbeton we polat karkasly binanyň mysalynda gurluşyk desgalaryny taslamak üçin zerur bolan esasy gurallaryny öz içine alýar.
Bu okuwyň meýilnamasyny Revit Structure programma üpjünçiligini başlangyç derejede öwrenýän diňleýjiler üçin döredildi. Okuw senagat we raýat gurluşygynyň binalarynyň we gurluşlarynyň taslama inženerleri üçin niýetlenedir
"Sowadyjy we howa ulgamlary" boýunça okuw kurslary
| № | Okuwyň görnüşi | Sagat sany | Okuwyň möhleti |
| 1. | Sowadyjy we howa ulgamlaryny gurnamak, abatlamak we olara hyzmat etmek | 132 | 8 hepde |
| 2. | Sowadyjy ulgamlaryny gurnamak , ulanmak we bejermek | 120 | 8 hepde |
| 3. | Tebigy sowadyjy jisimlerde işleýän sowadyjy enjamlaryna ideg we tehniki hyzmat etmek | 132 | 8 hepde |
| 4. | Kondisionirlemegiň ýokary netijeli VRF we VRV ulgamlaryny gurnamak we olara hyzmat etmek | 126 | 8 hepde |
| 5. | Kondisionirlemegiň we howa çalşygy ulgamlaryna ideg we tehniki hyzmat etmek | 126 | 8 hepde |
| 6. | Kondisionirlemegiň we howa çalşygynyň hojalyk, ýarym senagat we senagat ulgamlaryny gurnamak | 140 | 9 hepde |
| 7. | Sowadyjy jisimlerini ýygnamagyň we gözegçiligiň ulgamy, olary dikeltmek we ýok etmek | 140 | 9 hepde |
| 8. | Kondisionirleme we howa çalşygy ulgamlarynyň häzirki zaman taslamagyň esaslary | 116 | 7 hepde |
“Sowadyjy we howa ulgamlary” boýunça okuwy üstünlikli tamamlan her bir diňleýji sowadyjy enjamlaryň ýönekeý böleklerini we mehanizmlerini, agregatlaryny we maşynlaryny sökmegiň, abatlamagyň we ýygnamagyň esasy usullary, bejeriş we gözegçilik gurallarynyň niýetlenilişi we ulanyş düzgünleri, işlenilýän materiallaryň esasy mehaniki häsiýetnamalary, mis turbalaryň kesilmeginiň, togalanmagynyň, egilmeginiň, kebşirlenmeginiň esaslary, ýaglary, ýuwujy serişdeleri, metallary we çalgy ýaglaryny ulanmagyň düzgünlerini, atlandyrylyşy, turbageçirijileriň, armaturlaryň, awtomatiki sazlaýyş we gözegçilik enjamlarynyň gurnalyşy we ýerleşişi, sowadyjy jisimler we ýylylyk göterijiler, olaryň häsiýetleri, gurnawyň işinde näsazlyklaryň öňüni almagyň we ýok etmegiň ýollary, elekrogurnamanyň ýönekeý shemalary we işe goýberiş-sazlaýyş enjamlary, sowadyjy enjamlara hyzmat etmegiň düzgünleri, anyklaýyş enjamlarynyň görnüşleri, onuň bilen işlemegiň aýratynlyklary, bellenen tehniki resminamalary ýöretmegiň tertibini öwrener.
Meýilnamada Sowadyjy we howa ulgamlaryny gurnamak, abatlamak we olara hyzmat etmek; Sowadyjy ulgamlaryny gurnamak, ulanmak we bejermek; Tebigy sowadyjy jisimlerde işleýän sowadyjy enjamlaryna ideg we tehniki hyzmat etmek; Kondisionirlemegiň ýokary netijeli VRF we VRV ulgamlaryny gurnamak we olara hyzmat etmek; Kondisionirlemegiň we howa çalşygy ulgamlaryna ideg we tehniki hyzmat etmek; Kondisionirlemegiň we howa çalşygynyň hojalyk, ýarym senagat we senagat ulgamlaryny gurnamak; Sowadyjy jisimlerini ýygnamagyň we gözegçiligiň ulgamy, olary dikeltmek we ýok etmek; Kondisionirleme we howa çalşygy ulgamlarynyň häzirki zaman taslamagyň esaslary ýaly ugurlar boýunça umumy we amaly sapaklar göz öňünde tutulypdyr.
“Iňlis dili” boýunça okuw kurslary
| № | Okuwyň görnüşi | Sagat sany | Okuwyň möhleti |
| 1. | Beginner | 120 | 3 aý |
| 2. | Elementary | 126 | 3 aý |
| 3. | Pre-intermediate | 108 | 3 aý |
| 4. | Intermediate | 144 | 3 aý |
| 5. | Upper- intermediate | 144 | 3 aý |
“Beginner” kursuny tamamlan diňleýjiler iňlis diliniň umumy temalary bolan tanyşmagy, salamlaşmagy, şahsy maglumatlary aýdyp bilmegi, sada sözlemler düzüp bilmegi we sada soraglar sorap bilmegi, ýöňkemeleri, eýe we habaryň gurluşyny, wagt we sagada degişli sözlemleri öwrenip bilerler.
“Elementary” kursuny tamamlan diňleýjiler beginner kursundaky geçilenleri gysga wagtyň içinde özleşdirerler, öwrenen zaman işlikleri bilen özlerini tanadyp bilerler, geçmiş zaman, geljek zaman, häzirki zaman işliklerinde gürrüň berip bilerler, ukyplary hakynda gürläp bilerler, sanalýan we sanalmaýan jisimleri tapawut edip bilerler, jisimleri ýada adamlary sypatlandyrmagyň derejelerini aýdyp bilerler.
“Pre Intermediate” kursuny tamamlan diňleýjiler täze öwrenen söz gurluşlary bilen has çylşyrymly bolmaýan bölümleri okap öwrenip özleşdirip bilerler, meşgullanýan işi bilen baglanyşykly kyn bölümlerde düşünip bilerler, başyndan geçen wakalary gürrüň berip bilerler.
“Intermediate” kursuny tamamlan diňleýjiler iňlis diliniň söz gurluşyny has içgin öwrenip özleşdirip, çylşyrymly sözlemleri okap düşünip bilerler, ýazyp bilerler. Bellenen temalarda düşünjelerini has giňişleýin aýdyp bilerler, gündelik durmuşymyzyň birnäçe bölümlerinde aňsatlyk bilen düşünişip bilerler, işi bilen baglanyşykly terminleri bilerler we bu terminleri ulanyp özleri barada gürrüň berip bilerler.
“Upper Intermediate” kursuny tamamlan diňleýjiler iňlis dilini aýdyň we ýalňyşsyz ulanyp bilmek derejesine eýe bolarlar. Her hili temada kitaplary okap, aňsatlyk bilen düşünip ýada düşündirip bilerler, göçme manyly sözleriň manylaryny has ýeňil düşünerler, iňlis dilini jemgyýetimizde dürli pudaklarda ulanyp bilerler.
“Rus dili” boýunça okuw kurslary
| № | Okuwyň görnüşi | Sagat sany | Okuwyň möhleti |
| 1. | Rus dili – 1 | 120 | 3 aý |
| 2. | Rus dili – 2 | 120 | 3 aý |
“Rus dili – 1” tapgyrynda diňleýjiler dürli temalar boýunça ӧz durmuşy hakynda, maşgala, duşuşyk, telefon arkaly gürleşmek hakynda öz ara gürrüňdeş bolmagy, diňleýji öz dostlary hakynda, ýaşaýan şäheri hakynda, öz watany hakynda, synpdaşlary hakynda dürli gürrüňleri bermegi öwrenerler.
“Rus dili – 2” tapgyrynda diňleýjiler - has çuňlaşdyrylan sözler we söz düzümlerini ulanmagy we çylşyrymly tekstler bilen işlemegi, dürli temalarda ýagny wagtlar, türkmen toýlary hakynda, senenama, dünýä ýurtlary we şäherleri hakynda, eserler hakynda, keseller we hassalar, otel, restoran, teatr, konsert, muzeý, galereýa ýaly temalarda özara gürrüňdeşlik geçirmegi hem de ýazuw arkaly ýazyp has içgin özleşdirmegi öwrenerler.