| № | Okuwyň görnüşi | Sagat sany | Okuwyň möhleti |
| 1. | Buraw enjamlarynyň maşinisti | 374 | 6 aý |
| 2. | Nebit we gaz guýularyny burawlaýjynyň kömekçisi | 244 | 4 aý |
| 3. | Geofiziki we geologiki işleri boýunça dag işçisi | 374 | 6 aý |
| 4. | Elektrik togy we gaz bilen kebşirleýji | 246 | 4 aý |
| 5. | Elektromehaniki synaglaryň we ölçegleriň laboranty | 312 | 5 aý |
| 6. | Kompressor we nasos enjamlarynyň maşynisti | 374 | 6 aý |
| 7. | Nebiti we gazy gaýtadan işleýän tehnologiki gurluşlaryň operatory | 374 | 6 aý |
| 8. | Himiki derňewiň laboranty | 310 | 5 aý |
| 9. | Kätip, kompýuteriň operatory | 374 | 6 aý |
| 10. | Telekeçiligiň esaslary | 204 | 3 aý |
| 11. | Buhgalter hasabaty – I | 320 | 6 aý |
| 12. | Buhgalter hasabaty – II | 230 | 3 aý |
“Buraw enjamlarynyň maşinisti” hünär okuwy
Bu hünäri boýunça bilim alan diňleýjileri nebit we gaz guýularyny burawlaýyş kärhanalarynda buraw desgalarynda we enjamlarynda işlemäge, olaryň tehniki pasportlaryny gollanyp, enjamlaryň we maşynlaryň ulanylyşyny, tehniki hyzmatlarynyň geçirilişini we abatlanylyşyny bilmäge ukyply hünärmen edip ýetişdirmekden ybaratdyr.
“Nebit we gaz guýularyny burawlaýjynyň kömekçisi” hünär okuwy
“Nebit we gaz guýularyny burawlaýjynyň kömekçisi” hünäri boýunça bilim alan diňleýjiler buraw senagatynyň ulgamyny mehanizmleşdirmek we awtomatlaşdyrmak işinde önümçilik-tehnologiki we guramaçylyk-dolandyryş işlerini ýerine ýetirmäge hem-de buraw tehnikasynyň ulanylyşyny, abatlanyşyny guramak we tehnologiýasyny işläp düzmek üçin taýýarlanylýar.
“Geofiziki we geologiki işleri boýunça dag işçisi” hünär okuwy
Diňleýjilere ýeriň geologik gurluşyny, dag jynslarynyň mineral düzümini, fiziki häsiýetlerini, nebitiň we gazyň we beýleki peýdaly gazylyp alynýan baýlyklaryny gözlemegiň usullaryny, guýylarda geologik, geofizik barlag işlerini ýerine ýetirmek, çuň gatlaklardan galdyrlan (alynýan) kern materiallarynyň kollektorlyk we petrofiziki, litalogiki, mineralogiki häsiýetlerini tejribehanalarda işlemekligi öwretmekdir.
“Elektrik togy we gaz bilen kebşirleýji” hünär okuwy
“Elektrik togy we gaz bilen kebşirleýji” hünäri boýunça bilim alan diňleýjiler konstruksiýalary dürli taslamalaryny işläp düzülende elektrik togy we gazy bilen kebşirlemegi öwretmekden, hünärmen taýýarlamakdan ybaratdyr. Gurluşygy talaba laýyk gurnamagy, gurluşyk önümçiligine ornaşdyrylýan konstruksiýalarynyň, desgalaryň oturdylşynda kebşirleýiş işleriniň tutýan ornunyň inçe syrlaryny bilmegine, öňde baryjy usullary ulanyp öndürijilikli zähmet çekmegine ýardam berer.
“Elektromehaniki synaglaryň we ölçegleriň laboranty” hünär okuwy
Bu hünäri boýunça bilim alan diňleýjiler elektrotehnikanyň esasy kanunlaryny; transformatoryň, elektrik hereketlendirijiniň işleýiş düzgünini, olaryň iş häsiýetnamalaryny; barlaýjy-ölçeýji enjamlaryň gerekliligi we ulanylyş şertleri; senagat elektrik gurnamalary synag edilende olaryň görkezijilerini ölçemek üçin ýönekeý shemalaryny; pes woltly elektrik gurnamalarda ýönekeý synaglaryň geçiriliş düzgünini; gidrawliki presler we synag üçin beýleki tejribe enjamlaryň işleýiş düzgünini; materiallarda mehaniki synaglary geçirişiň usullaryny; enjamlary daşky elektrik we magnit meýdanlaryndan goramagyň usullaryny; elektrik ölçeýji enjamlaryň barlanyş düzgünlerini bilmekden we başarmakdan ybaratdyr.
“Kompressor we nasos enjamlarynyň maşynistini” hünär okuwy
“Kompressor we nasos enjamlarynyň maşynistini” hünäri boýunça bilim alan diňleýjiler nebit we gaz guýylaryny burawlamakda we guýylary özleşdirmekde has giň ýaýran kompressorlaryň görnüşleriniň gurluşy we iş tertibi bilen tanyşyp; maşynlary ulanmak bilen baglanyşykly soraglarda olaryň nazaryýetde iş täsirini bilip; gidrohereketlendirijileriň, gidrogeçirijileriň, kompressorlaryň, nasoslaryň häsiýetlerini ulanyp, tehnologiýa şertlerinde maşynlary, olary sazlap gerekli hasaplary ýerine ýetirip, kompressorlarda we nasoslarda abatlaýyş bejergi işlerini geçirip bilmekligi başarmakdan ybaratdyr.
“Nebiti we gazy gaýtadan işleýän tehnologiki gurluşlaryň operatory” hünär okuwy
Hünär okuwynda nebitiň, tebigy we ugurdaş nebit gazlaryň, gazkondensatlaryň düzümini, gaýtadan işlemek üçin düzümine bildirilýän talaplary we taýýarlamak proseslerini; nebiti we gazy ilkinji gaýtadan işlemek proseslerini; nebiti destruktiw gaýtadan işlemek proseslerini; nebit önümlerini öndürmegiň döwrebap tehnologiýalaryny; nebiti, gazy taýýarlamak we gaýtadan işlemek proseleriniň tehnologiki parametrlerini; nebitiň, gazyň, gazkondensatlarynyň fiziki-himiki häsiýetnamalaryny we olaryň hasaplanylyşyny; tehnologiki enjamlaryň görnüşlerini we konstruksiýa materiallaryny, hasaplanylyşyny we ulanylyş häsiýetlerini öwrenmek diňleýjileriň esasy wezipesi bolup durýar.
“Himiki derňewiň laboranty” hünär okuwy
Hünär okuwynda häzirki zaman tehnologiýalary peýdalanyp, islendik maddanyň himiki derňewini amala aşyrmagy öwretmekden ybaratdyr. Diňleýjilere tejribe işleri ýöriteleşdirilen tejribehanalarda degişli reaktiwleri, tehniki enjamlary, howpsuzlyk tehnikasynyň serişdelerini ulanmak arkaly amala aşyrylýar.
“Kätip, kompýuteriň operatory” hünär okuwy
Bu hünär “Windows operasion sistemasy”, “MS Office toplumy”, “Kompýuter grafikasy”, dersleri boýunça okuw meýilnamalaryny, tematiki meýilnamalary we maksatnamalary öz içine alýar. Diňleýjilere kompýuteriň umumy gurluşyny, prosessorlaryň görnüşlerini, olaryň aýratynlyklaryny, operasion ulgamy, operasion ulgamy oturtmagyň usullaryny, sistema platasynyň aýratynlyklaryny, gaty diskleriň işleýiş prinsiplerini, ýat sistemasynyň aýratynlyklaryny öwretmekden ybaratdyr.
“Telekeçiligiň esaslary”
Telekeçiligiň esaslary boýunça bilim ulgamynyň çäklerinde berilýän okuw meýilnamasy öz içine menejment-dolandyryş barada has wajyp elementleri we düşünjeleri alýar. Okuw ýeterlikli derejede dersara ugry – ýolbaşçynyň garamagyndaky işgärler bilen gatnaşygy, önüme degişlilikli teklibe we talaba esaslanan bazar gatnaşyklary, harytlaryň we hyzmatlaryň marketingi, satyjynyň we alyjynyň bähbitleriniň deňagramlylygy, şeýle-de, häzirki zaman dünýäde adamynyň hereketini sazlaýan durmuşy kadalary we gymmatlyklary öz içine alýar. Şeýle hem, baş ugurly menejmentiň we işewürligiň etikasynyň esaslaryny öwrenmäge üns berilýär. Diňleýjilere telekeçä zerur bolan anyk tejribe ähmiýetli endikleriň berkidilmegine gönükdirilen meseleleriň çözülmegini, kärhanalaryň döredilmegi boýunça iň oňat pikiriň (iň oňat işewürlik –meýilnamanyň) bäsdeşliginiň geçirilmegini, hereketiň öňünden bellenilen möhleti we hereket etmäniň anyk kesgitlenen maksatlary bilen kärhanalaryň döredilmegini öwretmekden we başarmakdan ybarat.
“Buhgalter hasabaty – I” hünär okuwy
“Buhgalter hasabaty – I” hünär okuwynyň esasy maksady diňleýjilere esasy ykdysady häsiýetlerini hem usullaryny öwrenmek, olar bilen bagly endikleri ele almak, olary pudaklarda iş alyp barmaga taýýarlamak bolup durýar.
Bu okuw özüne Türkmenistanyň ykdysadyýeti; Buhgalter hasabaty; Maliýe dolandyrylyşy we maliýe seljerilişi; Audit; Salgyt we hukuk we Işewür gatnaşyklaryň etikasy: Guramaçylykly gatnaşyk we özara gatnaşyklar ýaly dersleri öwredilýär.
Hünär okuwynyň maksady ýurduň ykdysadyýetiniň önünde durýan täze meselelere düşünýän halk hojalyk toplumynyň önünde durýan meseleleri logiki pikir ýöretmegi we olary toplumlaýyn çözmäge ukyply hünärmenleri ýetişdirmekden.
“Buhgalter hasabaty - II” hünär okuwy
“Buhgalter hasabaty - II” hünär okuwynyň esasy maksady diňleýjilerde täze ykdysady pikirleriň kemala gelip, olarda Türkmenistanyň önümçilik potensialy, kiçi we orta işewürlikleriň we eýeçiligiň dürli görnüşleriniň ösüşini, daşary ýurduň tejribesini öwretmek we bilimiň dünýä standartlaryna laýyk bolmagyny gazanmakdan ybaratdyr.
Bu okuw özüne Dünýä ykdysadyýeti; Buhgalter hasabaty; Тäjirçilik hukugynyň esaslary; Salgyt we salgyt salmagyň esaslary; Gümrük hukugynyň esaslary we Zähmet hukugynyň esaslary ýaly dersleri öwredilýär.
Hünär okuwynyň maksady ýurduň ykdysadyýetiniň önünde durýan täze meselelere düşünýän halk hojalyk toplumynyň önünde durýan meseleleri logiki pikir ýöretmegi we olary toplumlaýyn çözmäge ukyply hünärmenleri ýetişdirmekden.