Ulanylýan ýerleri, maksady we ulanylyş mümkinçilikleri: Bilim edaralary, ýokary, orta-hünär, orta okuw mekdepleri. Programmanyň maksady – Moodle ulgamy tarapyndan düzülen ders olimpiadasyna gatnaşýanlaryň netijelerini seljermegiň esasynda ýeňijileri kesgitlemek hem-de görkezilen nusgada olimpiadanyň netijeleriniň beýanlaryny we hasabatlaryny taýýarlamak.
Esasy tehniki häsiýetnamalary: Programmastandart Windows goşundysy görnüşinde döredilen. Programmanyň işi iki bölekden ybarat. Birinji bölüm Moodle ulgamy tarapyndan Excel kitabynyň faýly görnüşinde düzülen olimpiadanyň gatnaşyjylarynyň netijelerini seljerýär, gatnaşyjylaryň sanawynyň esasynda her bir gatnaşyjynyň Ýokary okuw mekdebiniň adyny kesgitleýär we ony gatnaşyja berkidýär hem-de döredilen ýazgyny MS Access ulgamynyň maglumat goruna (*.mdb) ýerleşdirýär. Ikinji bölüm ýeňijileriň kesgitlenen sanyna we olimpiada gatnaşýanlaryň toplan ballaryna laýyklykda olimpiadanyň ýeňijilerini kesgitleýär hem-de MS Word resminama görnüşinde (*.doc) görkezilen nusgada olimpiadanyň netijeleriniň beýanyny taýýarlap berýär. Programma 1000 golaý gatnaşyjylaryň jogap blankyny 1 minut wagtdan gijä galman seljerip, degişli beýanlary taýýarlap berýär.