Bu işde ýörite datçikleri ýa-da beýleki hasaplaýjy enjamlary ulanmazdan energiýany ýa-da beýleki serişdeleri sarp edýän enjamlaryň işine gözegçiligi ýönekeý we arzan programma serişdeler arkaly amala aşyrmagy mümkinçilik berýän programma üpjünçiligi döredildi. Bu programma üpjünçiligi arkaly şu işler mümkin:
kamerany işletmek we sazlamak;
çyralaryň wagtyň birliginde ýanýandygyny ýa-da öçürilendigini kesgitlemeklik;
wagtyň birliginde sarp edilýän energiýanyň mukdaryny bellemek;
hyýaly datçikleri goýuşdyrmak we aýyrmak.
Programma TTimer komponenti arkaly her sekundyň dowamynda Web-kameradaky kadrlary TImage (şekil) komponentine Bitmap görnüşinde (bmp faýly) geçirip, şol şekiliň piksellerini (nokatlaryny) we olaryň reňklerini RGB (Red - gyzyl, Green - ýaşyl, Blue - gök) reňk modeliniň funksiýalary arkaly otagyň çyrasynyň ýanyp ýa-da öçüp durandygyny, ýanyp duran wagtyny kesgitleýär.
Şeýlelik bilen, yşyklandyryşyň wagtyň birliginde elektrik energiýanyň sarp edýän mukdaryny programma üpjüçiligine girizmek arkaly, ýörite gurluşlary we abzallary talap etmeýän, elektrik energiýany hasaba alyş ýönekeý programma işlenip taýýarlanylýar.
Programma Delphi obýekte gönükdirilen programmirleme dilinde işlenip düzüldi.
Operasion sistemasy: Windows XP, Windows Vista (32x, 64x), Windows Seven (32x, 64x), Windows 8 (32x, 64x), Windows 10.